Иван Кудашкинэнь лемензэ ледстнемга! (ЭРЗЯ)
Мемориальной музейсэ «Люди долга и чести» проектэнть лувсо ютась покшчи, конась алтавсь Советской Союзонь героенть Иван Кудашкинэнь чачома чистэнзэ 95 иень топодемантень. Иван Степанович чачсь 1922-це иестэ Кочкурбуень Вирь Тавла велесэ. Тонавтнесь парсте, арсесь улемс тонавтыцякс. Школань прядомадо мейле тонавтнесь Саранскоень педучилищасо, а чокшне ланга якиль аэроклубов. Тонавтыцякс улемс эзь саво. Церанть саизь армияв ды кучизь Энгельсэнь летной училищав. Тосто туськак фронтов. Сонзэ самолетонь фюзеляженть лангсо покш буквасо сермадозель «ИВАН», немецтнэ пек пельсть эйстэнзэ. 1944-це иестэ Иван Кудашкин экипажонзо марто емась кулявтомо. 30 иеть сондензэ кияк мезеяк эзь сода. Лездасть Украинань Жванец велень школань следопытнэ, конат сермадсть газетас ланганзо статья. Иван Кудашкинэнь экипажось поладызе Николай Гастеллонь подвигензэ. 1991-це иестэ сонензэ максозель Советской Союзонь Герой лемесь.