Ицялонь буень Ламбаське велесэ васенцеде ютавтовсть Иван Прончатовонь лемс ловномат. (ЭРЗЯ)

Сонзэ эрьва валморосонзо невтеви эрзянь ломанень оймесь, тиринь ёнксонтнень, претьпельксэнтень вечкемась. Ламбаськень модась сюпав содавикс ломаньсэ. Тесэ чачсть  морыцясь Илларион Яушев, кельсодыесь Василий Горбунов, лингвистэсь Анатолий Рябов, эрзянь поэтэсь Иван Шумилкин.  Иван Прончатовонь лемезэ истяжо кеместэ сюлмазь те тарканть марто. валморонь те сермадеенть сядо иетненень алтазь васенце ловноматнес пурнавсть весе сеть, кить ванстыть лембе ледстнемат велесэ чачозтнень коряс. Ловноматнесэ ледстизь Иван Прончатовонь эрямонь ды шкинемань кинзэ, ловность валморонзо. Сонзэ поэзиязо пек явовиль лиятнень эйстэ тематикань сюпавчисэнть. Валморонь васенце пусмозо лись 1939-це иестэ. Эйсэнзэ весемезэ 15 валморот. Кода се шкань ламо сёрмадейтне поэтэсь шнась пертьпельксэнь мазычинть, эрямонь паро ёнкснэнь. Кода поэт-фронтовик, шкинемасонзо ламо мель явсь Ине Отечественной войнантень. Иван Прончатов тусь ятонь каршо тюреме войнань васенце иестэнть. Зярдояк ды косояк поэтэсь эзь кадно сёрмадома тевензэ. Эйзюрковонь кемкавксовоце чистэ топодсть сядо иеть Иван Прончатовонь чачома чистэнзэ саезь. Те ломаненть покштояк покш путовксозо минек литературантень. Кода тешкстасть пурнавозтне — Иван Николаевичень шкинемазо пештязь ванькс ёжосо ды тешкстазь истямо тюссо, конань вельде невтеви ломанень вечкемань виесь.