Исяк регионтнэсэ ютавтовсь В. Путин президентэкс кандидатонть кис кедьтешкстнэнь пурнамонь вейкине чись (эрзя)
Ансяк Мордовиясо важодсь 31 пункт. Россиянь Федерациянь законтнэнь коряс Владимир Путинэнь, кода самовыдвиженецэнтень, эсь кандидатуранть кирдемга эряви пачтямс Кочкамонь центральной комиссиянтень 300 тёжат кедьтешкстэ ламо. Содави, Мордовиясо кочказь кедьтешкстнэнь эрявикс ламочись. Тень лангс апак вано — кочкамось поладови — кенерест кадомс тешксэст весе, кинь ули мелезэ. Тешкстнэнь кочкамонь вейкине чистэнть важодсь 31 пункт Единая Россия партиянь региононь куротнень штабтнесэ Сарансо ды республикань буетнесэ. Весенень, кие бажи кирдемс президентэкс кандидатонть, лездыть волонтертнэ. Якшамковонь 24-це чис кармить важодеме кедьтешксэнь максомань 5 таркат. Нилетне сынст эйстэ — Саранонь микшнемань центратнесэ ды вейкесь — Рузаевкасо.