Инвестпроекттнэнь касома (эрзя)
Мордовиясо свалшкань лувсо ютавтови Россиянь Банконь ваннома, конань топавтыть аволь финансонь секторонь организациятне. 2023-це иень нилеце колмо ковтнень коряс региононь предприятиянь 12 проценттнэ, конат ютызь кевкстематнень, тешкстызь инвестициятнень касоманть. 2023-це иень колмоце колмо ковтнень перть истямо тевень молема тешкстасть ансяк 7,5 процентт предприятият.
Инвестициянь касомась Мордовиянь предприятиятнесэ кастовсь инвестпроекттнэнь эрямос совавтомадо мейле. Истя, республикань ярсамопелень промышленностень предприятиятнень эйстэ вейкесь одкстомты эсензэ цехтнень. Теке же отраслянь лия компаниясь ванномань лувсо нолдась производствань од площадка. Те иень якшамковонь-эйзюрковонь перть предприятиятнень эйстэ покш пельксэсь (85,7 проценттнэ) а учить эсест инвестициятнень а кастома, а вишкалгадома. Россиянь Банкось аволь финансонь секторонь предприятиятнесэ свалшкань кевкстнеманть ютавты 1998-це иестэ саезь.
Ванномань цётамотне теевить домка ванномань кедьёнксокс ды саевить мельс ярмаконь-кредитэнь политикань коряс мелень кемекстамга. Кевкстнематне участниктненень Россиянь Банконть пельде максовить, агрегированной информациянть лувсо анокстазь, аналитикань материалт. Россиянь Банконь ванномасонть масторонок келес 15 тёжат респондентт, ютксост Мордовиясо — 160 ламо. Сонзэ лувс понгомга, аволь финансонь организациятненень мереви сёрмадомс яволявтоманть регуляторонь сайтсэ.