Инвестиционнай климатть колга Мордовияса корхтасть пуромксса республикать столицаса (В столице республики обсудили инвестиционный климат в Мордовии ) МОКША
Россиянь Президентсь Федеральнай Собранияти пшкядемасонза азозе, што 2016-це кизоня поладома покодемась минь странаньконь аймаконзон эса инвестиционнай климатть коряс Национальнай рейтингть лангса. Мзяра инвестицияда ульсь путф Мордовияса аноклаф проекттненди и кодама ушеткст кармайхть улема сай кизоть – тянь колга корхтафоль Мордовияса инвестиционнай климатть церьгафтоманц коряс Советть пуромкссонза.
127 процентт – тняра инвестицияда нолдафоль мекольце 9 кофнень экономическяй покодемать коряс Мордовиять основной капиталонц эзда. Васенце вастсот транспортсь, связсь, обрабатывающай производстватне и недвижимай имуществать мархта операциятне. Кода азфоль пуромксса, инфляциясь минь аймаксонк 2015-це кизоня 114%. Но аф ваномок кризисть лангс, сембе проекттне кармайхть полатфт.
Тядде сувафтф эряфс аф кржа инвистиционнай проектта, конат сотфт велень хозяйствать мархта. Республикань райоттнень эса строяфт тувонь фермат, 2 семенной завотт, куркань палонь производстват. 2016-це кизоня инвесторхнень лезксснон вельде касфтови колбасань тиемась и аделави осетрань касфтомань фермать строямац.
Фкя инь оцю и эрявикс инвестиционнай проектсь – Мордовияса индустриальнай парконь строямась. 2016-це кизоня тя ширеса кармайхть сувафтфт эряфс 3 проектт «Рабэкс групп Саранск», «Александровский» и «Лисма» лем ала. Марнек жа, Национальнай рейтингть коряс 2015-це кизоня республиканьке ащи 24-це вастса Россияса и 5-са Приволжскяй Федеральнай округса и канневи ся региоттнень еткс, коса цебярьхть условиятне бизнесть вятеманцты.