Инечинень ярмаконь пандомат. (ЭРЗЯ)
Мордовия Республикань Правительствань Постановлениянть лангс нежедезь Инечиденть икеле ламо эйкакшонь триця кудораськетненень, косо улить ниле ды седе ламо эйкакшт, карми явозь 800 целковойть эрьва эйкакшонть лангс. Ламо эйкакш марто кудораськетнеде башка, косо трить-кастыть ниле ды седе ламо эйкакшт, те лезксэсь максови ськамост триця аватненень, кить кастыть кавто ды седе ламо эйкакшт, конатненень зярс эзь топоде 18 иеть. Республикань социальной лезксэнь максомань министерствасо тешкстыть – регионсонок ламо эйкакшонь триця кудораськетнень ламочись иеде иес касы. Пандоматнень коряс яволявтомань сёрмадомась мольсь эйзюрковонь 20-це чис. Эрьва ие ламо эйкакшонь триця кудораськетненень эли ськамост триця аватненень гайневтить социальной лезксэнь максома центратнестэ, тердьсызь яволявтомань сёрмадомо. Кода невти практикась — истямо категорияс понгиця кудораськетнеде парсте содыть соцслужбасо важодицятне. Ледстясынек, теде башка, те категориянтень кандовиця кудораськетненень республикасонок ламо иень перть максови лезкс и од тонавтнема иенть ушодомадо икелеяк.