Инечинь фестиваль. (Пасхальный фестиваль) ЭРЗЯ
Церьковасо ютавтовиця службатнеде башка, конат ютасть республикань весе храмтнесэ, Инечинть келейстэ тешкстызь прявт ошонь куншка куросонть. Тосо зярыя таркасо ютасть шкинемань акцият. Мордовиянь православной од ломанень вейсэндявксось ды Саранскоень епархиясь анокстасть ламо мельстуиця мероприятият, конатнесэ невтсть пря весе мельявицятне. Сень лангс апак вано, што перть пельксэсь ульнесь якшамо, Саранскоень эрицятне те покчинть вастызь ульцясо. Инечинь шкинемань коряс мастер-класстнэ седе пек вечкевсть эйкакштнэнень. Ёроков артыцятне мелень путозь ёвтнесть кода эряви видестэ мазылгавтомс инечинь алтнэнь. Паро казнекс эрьва кодамо кенярксчинтень кармить мазый коневсто теезь пусмотне. Те шкинемантень Анна Шурыгина мель яви вана уш кавто иень перть. Православной од ломанень вейсэндявксонь волонтертнэ явшесть ошонь эрицятненень инечинь открыткат. Кинь ульнесь мелест теске жо рамсесть инечинь сувенирт ды православной литература.
Исторической реконструкциянь куронь ды казаконь выступлениятне, декоративно-прикладной творчествань выставкатне мазылгавтызь те покшчинть.