Ине Октябрянь революциясь ды Мордовиясь. (ЭРЗЯ)

Революциясь Россиянть историясо кадсь покштояк покш тешкс. Сондензэ мейле ломантнень эрямост пек полавтовсь. Революциядонь кулясь Мордовияв састь аволь нейке, а зярыя чинь ютазь ды кепедсь ломантнень ютксо ламо а чарькодемат. Тешкстэнть, конань кадызе Октябрьской революциясь Мордовиянть туртов ёвтнетяно седе тов репортажсонть. Ине Октябрянь революциядонть мейле ломантнень кармасть явомо раськень коряс. Теде икеле весе аволь рузтнэнь лемдясть «инородецекс». Революциядонть икеле неень Мордовиянь территориясо эрицятнень тевекс ульнесь сокамось ды видемась.  Ютавтомадонзо мейле, колоньгемень иень ютазь, Мордовиясо кармась касомо промышленностесь. Ютазь пингень комсеце иетнесэ сёрмас а содыцятнень кармасть тонавтомо, панжовить школат, шкань ютазь, ловнома кудот. Эрзятнень-мокшотнень карми эсест литератураст. Полавтызе революциясь культурань ёнксонтькак. Сондензэ икеле Мордовиянть территориясо малав арасельть ловнома кудот. Бути ульнестькак, ансяк пек сюпавонь. Арасельть культурань кудот, театрат. Паро ёнов полавтовомат теевить экономикасонтькак. Ине Октябрянь революциядонть мейле Россиясо кармить пурнавомо автономной республикатне. Мордовиянь неень шкань буетне кандовсь эрьва кодамо губерниятненень.  Революциядо мейле. кемень иень ютазь, зярыя уездтнэнь эйстэ пурназель васняяк автономной областесь, а мейле автономной республикась.