Ине Октябрянь революциянь 100 иетненень. (ЭРЗЯ)
Тенень А. Пушкин лемсэ раськень ловнома кудосо алтазель скугловой стувор. Революциясь ловови 20-це пингень политикань покш полавтовкстнэнь ютксто вейкекс, конась лия ёнов велявтызе Россиянь эрямопингень кинзэ. Сонзэ вельде весе масторонь раськетне кармасть эрямо лиякс – од эрямосо. Ютавтовиця промксонтень весе сыцятнень туртов теезель «Ине Октября: сядо иень ютазь вановт» невтема.
Кодамо тувталось кандсь покш полавтомат, конат лиякстомтызь минек масторонть ламо иес? Кода полавтовить революциянь коряс мельтне-арсематне неень шкасто, ды мейсэ ульнесь стакачись? Неть ды лия кевкстематнень лангс каршо валт бажасть максомс кругловой стувор экшсэ кортыцятне.
Эсь мелест Ине революциядонть ёвтызь Огарёв лемсэ университетэнь историянь ды социологиянь институтонь тонавтницятнеяк. Михаил Святкинэнь валонзо коряс, революциясь кандсь кода паро, истя берянь тевтькак.
Промксонь весе сыцятне прасть ве мельс, революциясь – те стака ды ризнэмань тев, кона совавты эсензэ потс зярыя пелькст. Октябрянь революциядо тонавтнемась эзизе ёмавто эсь эрявиксчинзэ неень шкастояк. Те вастовомань кортыцятне кемить – шкань ютазь панжовить од содамочить ды кортнематне поладовить седе тов. Ансяк весемесь тееви од ломантнень кисэ, конатненень чарькодема – минек эрямопингень весе шкань пелькстнэ эрявикст. Сынь лездыть чарькодемс масторонок неень ды сыця шканзо.