Илась «Надежда» идень приютса. (Концерт в приюте «Надежда»). МОКША

Актовай залса кочкавсть иттне, воспитательсна, М.Е.Евсевьевонь лемса пединститутонь студенттне. Сембе оцю мяльса кулцхондсть содаф композиторхнень, сатфкснон и произведенияснон колга. Васедемаса корхтамась мольсь и «Келу» фольклорнай ансамбльть колга, кона каннесы Георгий Сураевонь-Королёвонь лемонц.
Иттне, конат эряйхть приютса, сидеста няфнесазь эсь смузьснон музыкаса, рисовамаса и лия тевса. Сяс и тя илась лезды теест сяда лац шарьхкодемс мокшэрзянь культурать, сире морхнень и койхнень. Аф стак лама тястонь выпускникта поладозь эсь тонафнемаснон Кирюковонь лемса музыкальнай училищаса и пединститутса.
Эсь маштомашиснон фортепианаса налхкомаса няфтезь илас саф инжихне. Кой-кит эздост морасть Сураев-Королёфнень произведенияснон эзда пакшт. Шабатне синь васьфнезь лямбе цяпамаса.
Ули надияма, тяфтама васедематне арайхть цебярь койкс. Вдь мокшень и эрзянь моротнень вельде иттне кармайхть сяда лама содама аф аньцек композиторхнень, но и народоньконь колга.