Идезь эрямо (эрзя)

Дивавтыця тевесь сюлмизе специльной военной операциянь ушманонть ды Саранонь гимназиянь тонавтыцянть. Цёрыненть сёрмазо ламо лиятнень марто вейсэ кучовсь фронтов. Уцяскась кандызе сонзэ Мордовиянь медикенть кедьс ды истя идизе эрямонзо.
Серафим Беляев тонавтни 5-це классо. Свалшкане яви мель специальной военной операциянь ушмантнэнь кирдемга шкинемань теварсевкстнэнень. Од иеде икеле кудораськензэ марто вейсэ тейсть паро тев — кучсть асодавикс ушманонть туртов гуманитарной лезкс ды лембе валт. Сестэ цёрынесь эзь арсеяк — кучовксозо иди эрямо. Зярыя шкань ютазь кудораськензэ марто сюлмавсть ушманонть малавиксэнзэ. Апак учонь тев, уцяска эли цёрыненть иневанькс лемезэ лездасть кучовксонтень понгомс Мордовиясто военной врачонть кедьс. Специальной военной операциянть ушодкссто Евгений Пиглицев бажась лездамс ушмантнэнень. Зярдо муевсь медицинасо важодемань тарка, сеске сыргась. Вейке чистэнть фронтов састь гуманитарной кучовкстнэ.
Госпитальсэ улемстэ Евгений сонсь сюлмавсь Беляевтнень марто, пачтясь иневанькс идемадонть. Течи специальной военной операциясо улицясь отставкасо. Буень куроконь лезксэнь станциясо фельдшерэкс полады ломантненень лездамонть. Откерчидензэ ледстнить награданзо.