Художникесь Андрей Алешкин кавто недлянь перть ветясь занятият Челябинск ошонь культурань ды искусствань академиясо (Художник Андрей Алешкин на протяжении двух недель преподавал в академии культуры и искусств Челябинска) ЭРЗЯ

Художникенть туртов Челябинк ёнксов те ульнесь аволь васенце молевкс. Зярыя иеть теде икеле Челябинскойсэ сон невтинзе эсензэ картинанзо. Сынь истя вечкевсть эрицятнень туртов, што ней Андрей Алешкин тона ёнкссо сеедьстэнь инже. Академиянь важодицятнень покш мелест вельмевтемс эрзянь ды мокшонь культуранть. Но теемс тень зярс пек стака. Режиссеронь курссо тонавтницятненень Андрей Алешкин невтизе «Эрямонь парь» спектаклять, зярыя видеофильмат, анимационной фильма. Эряви тешкстамс, Академиясо эрьва сёксня ютавтнить «Кузьминки» покшчинть. Теде башка тосо художникесь невтизе мифологиядо книганть. Ней Челябинскойсэ арсить нолдамо истямо жо книга эсест ёнксонь рузонь мифологиядо. Истяжо ули покш мелест самс Мордовияв раськень покшчис – «Раськень Озксов» эли «Акша келув». Диаспорасо эрицятнень ули покш мелест вельмевтемс эсь раськень келенть, культуранть. Ванстомс сень, мезе кадовсь те шкас. Ансяк тень теемантень эряви аволь ансяк покш бажамо, эряви лезэ Мордовиянть пельдеяк!