«Гвардеецэсь» таго васты инжеть! (ЭРЗЯ)
13-це региононь тонавтницятне тусть Пензав, тосо юты «Гвардеец» юнармеецень оборонно-спортивной лагерень васенце сменась. Гвардеец лагересь, те Рав кужонь Федеральной округонь лия енов а молиця проект. Сон совавтови эрямос РФ-нь Перезидентэнть Рав кужонь Федеральной округсо полномочной представителенть Михаил Бабичень мелензэ коряс, Россиянь оборонань министранть Сергей Шойгунь ды Россиянь ДОСААФ-нь лезксэнзэ вельде. Лагерев тусть Мордовиясто 20 тонавтницят. Те иестэнть Мордовиянь ды Рав кужонь лия регионтнэстэ эйкакштнэде башка покш делегация Севастопольстэ ды Луганскойстэ. Лагерьсэнть эйкакштнэнь учи келей спортивной программа, военной анокстамо, мелень саиця мероприятият. Васенце сменась моли аштемковонь 13-це чистэ саезь 29-це чис. Омбоце сменась – медьковонь 3-це чистэ саезь 19-цес. Кавто сменань перть «Гвардеецсэ» улить 700-до ламо эйкакшт.