Госархивти — 80 (МОКША)

Кирюковонь   лемса музыкальнай   училищать фойеса  инжихнень   васьфнезень  выставкась,  кона   лемтьфоль  архивть  кафксогемонь кизонь  топодеманцты.  Экспозицияса  няфтьф  службать   историяц и тячиень  шиц. А вов   праздниконь  торжественнай  пялькссь   кочказень  марса актовай залса   архивнай службань  покодихнень   и ветераттнень,  оцюнятнень, культурань и наукань   представительхнень. Лама  цебярь и лямбе  валда кайгсь  архивонь  сотрудникнень лемс. Архивисттненди   макссть   Почётнай   Грамотат,  Благодарственнай   сёрмат республикань Оцюнять  и Государственнай  собраниять эзда.   Вдь архивса   покодихнень   вельде   ванфтовсть  минь историяньконь    аф эсь лацонь документонза. Башка мяль шарфтфоль    архивнай  службань ветераттненди.  Питни   казнет максфтольхть  сятненди,  кие   лемдезе эсь  эряфонц    кельгома  тевти. Эряви  азомс,   архивса   покодемась   кемоста   сотф    наукать,  культурать  и эряфонь  лия ширетнень  мархта. Курок архивонь сотрудникне  ётайхть од зданияс.   Тоса пцтай   сембось  тиф, штоба   синь сяда товга  тиенделезь эрявикс тевснон.