Горяйновкань школась учи тонавтницянзо. (ЭРЗЯ)
Коень коряс, умарьковонь ушодовомсто весе школатнесэ ютавтовить ванкшномат, конатнень коряс тонавтнемань од иентень анокстамга сёрмадстовить документт. Горяйновкань основной общеобразовательной школась учи таштамковонь 1-це чинть паро мельсэ ды кеняркс марто! Теде яволявты тонавтомань учреждениянь администрациясь. Весемесь анок роспотребнадзоронь, санэпидемстанциянь, противопожарной безопасностень ды зданиянь кородомань вешематнень коряс ванкшномантень. Ёвтама, ютазь иестэнть те школасонть теезель покш одкстомтома: полавтозельть кенкштне, вальматне, лиякстомтозель фасадось. Ули видеонаблюдения, школанть перька стявтозь сэрей пирявкс. Кенярдовты, эйкакштнэнь ламочись иеде иес кармась касомо, мезесь сюлмазь од кудотнень кепетемаст марто, ютазь иестэ эйкакшонь кужонь панжоманть марто. Валентина Мотькина, ушодкс классонь тонавтыцясь, ванкшны, лови тетрадтнень ламочинть, мелявты, сатозт весе тонавтницянзо туртов. Школасо важоди 37-це ие. Тонавтнема иень ушодоманть учи талнома ды кеняркс марто учи. Парсте ды лезэ марто ютавтомс меельце недлятнень арсить тонавтыцятне весе эйкакштнэнень! Содамочинь чистэ од вийсэ ды покш бажамо марто сазт весе вечкевикс школав, косо сынст паро мельсэ учить вечкевикс тонавтыцяст!