«Гайгев вайгель» ансамблясь моли Дагестанов. (Ансамбль «Звонкие голоса» поедет в Дагестан) ЭРЗЯ

Медьковонь 28-це чистэ саезь умарьковонь 1-це чис Дагестан республикань Махачкала ошсо юты «Горцы» фольклоронь ды коень раськеютконь 7-це фестивалень омбоце этапось. Сон ютавтови ЮНЕСКО-нь эгиданть лувсо ды терди вейсэндямс эрьва кодамо раськень койтнень. Фестивалентнень тердезь Од Пурня велень «Гайгев вайгель» фольклорной ансамблясь. Ней уш ютазь пингень кавксоньгеменце иетнестэ пурназель ансамблянь од составось, сесэ и максозельгак тензэ «Гайгев вайгель» лемесь. Весе морыця аватне пурнянь, пингест перть роботасть ды эрясть велесэ. Валост коряс – морасть пингест перть, кодамо тев бу авольть топавто, свал морыть. Кода и Бурановань содавикс сырькайтне, минексетненьгак репертуарсост ансяк эрзянь кезэрень морот. Кода кортыть сынсь аватне, морсемест тонавтызь эште аваст ды бабаст. Раськень моротне истя и ванстовильтькак. Морсесть эйсэст эрьва кенярксчистэ. «Гайгев вайгель» ансамблясь содавикс аволь ансяк минек регионсо, но и васоло сонзэ томбалеяк.