Финно-угроведэнть Д.В.Бубрихень чачома чистэнзэ саезь топодсть 125 иеть ( К 125 летию со дня рождения финно-угроведа Д.В.Бубриха) ЭРЗЯ
Неть читнестэ топодсть 125 иеть содавикс финно-угроведэнть Дмитрий Владимирович Бубрихень чачома чистэнзэ саезь. Сон ульнесь отечественной финно-угристикань сеть исследовательтнень эйстэ, конат эзть сода оймамо, эрясть свалшкань вешнемасо. Лемензэ лецтнемга А.Пушкин лемсэ библиотекасонть ульнесь панжозь выставка. Дмитрий Владимирович языкознаниясонть лововсь виевекс ды ламо содыця учёноекс. Эрзянь ды мокшонь кельтнень тонавтнеме Дмитрий Владимировичень мелезэ сыремсь ещё студентэкс улемстэ. Сонзэ сех покш трудокс ловови «Эрзянь келень исторической грамматикась», покш таликазо истя жо эрзянь-мокшонь ды рузонь-эрзянь валкстнэнь лисемасонтькак. Сонзэ научной важодевкстнэ кепедизь мордовской языкознаниянть, течинь чис сынь аштить покш нежекс, эзизь ёмавт эсест эрявксчист ды питнечист.