Финно-угорскяй народонь культурань Поволжскяй центрась сувафнесы эряфс «Кизось книгать мархта» проектть (Поволжский центр культур финно-угорских народов реализует проект «Лето с книгой в руках») МОКША

Финно-угорскяй народонь культурань Поволжскяй центрась лама тиенди сянкса, штоба ванфтомс мокшэрзянь культурать, койхнень-обуцятнень. Тяда башка, центрань покодихне сувафнихть эряфс эрь кодама проектт. Фкясь эздост – «Кизось книгать мархта», конац лемтьф литературань кизоти.
Ужяленди, што тяниень пингонь од ломаттне кржа лувондыхть эрь кодама книгат. Цёратне и стирьхне сяда оцю мяль шарфнихть компьютерти и Интернетти. Сявомок тянь мяльс, Поволжскяй центрась арьсезе «Кизось книгать мархта» проектть. Тя акциясь етафневи шабань ваймама лагерьхнень эса эрь кодама формаса: пуромневихть илат, няфневихть презентацият.
Книгась ульсь и кармай улема содамашинь арзянякс. Кда ули мяленьке касфтомс ёню од ломатть, то эряви сяда лама морафтомс, содамс рузонь, мокшэрзянь и лия кяльса сермадыхнень произведенияснон. «Кизось книгать мархта» проектсь кармай сувафневома эряфс и сай кизоть. Сяс ули надияма, што иттне книгатнень мархта ялгакстыхть, а финно-угорскяй народонь культурань Поволжскяй центрань покодихне лездыхть тя цебярь тевса.