Финнэнь-угрань раськень VI-це Инекужодонть икеле «Мордовия» ГТРК-в сакшнось АФУН-нь прявтось Пётр Тултаев. (ЭРЗЯ)
“Мордовия” ГТРК-нь прявтось Наталия Грановская ёвтнесь ветявиця тевтнеде. Кортамось мольсь вещаниянь студиянь одкстомтомадо. 2018-це иень ушодовомсто каналось поладсы важодеманзо HD форматсо Мордовиянь келес. Пётр Тултаев макссь покш питне ГТРК-нь коллективенть важодемантень, тешкстызе национальной кельсэ лисиця передачатнень эрявиксчист ды питнечист. Прявтошонь мэрэсь примась участия «Интервью» мокшонь кельсэ програмань съёмкатнесэ. Прявт кевкстематне – Россиянь финнэнь-угрань Ассоциациянтень 25 иень топодемась ды финнэнь-угрань малавгадыця форумонтень анокстамось. Эксклюзивной интервьюсь лиси эфирс течи «Россия 24» каналсо региононок кулятнень выпусктонть мейле. Теде башка, таштамковонь 21-це чистэ 9 чассо «Россия 1» каналсо, Мордовия ГТРК-нь национальной вещаниянь лувсо.