Финнэнь-угрань культурань научно-исследовательской лабораториянтень 5 иеть! (Научно-исследовательской лаборатории финно-угорских культур 5 лет!) ЭРЗЯ

2010-це иестэ Н.П. Огарев лемсэ МГУ-нь национальной культурань институтсо панжозель финнэнь-угрань культурань научно-исследовательской лаборатория. Весе шкань перть лабораторияс совицятне ветясть ды поладыть ветямо покш важодема. Сех покш топавтомакс течинь чис ловови омбо масторонь ВУЗтнэнь, содавикс финно-угроведтнэнь марто сюлмавоматнень кемекстамось. Елена Ломшина — финнэнь-угрань культурань научно-исследовательской лабораториянь прявтось мельспаросо вастневи минек съемочной группанть марто. Эрьваксть сонзэ ули мезе ёвтамс топавтозенть коряс. Видьксты, важодемань 5 иетне ливтясть пек бойкасто. Весе шкань перть совавтозельть эрямос тонавтомань зярыя проектт, пурназель этнокультурной лагерь, покш изнявкс книгань изданиясояк. Виев коллективень пурназь, лабораториянь важодицятне топавтсть покш тев — омбо масторонь учёнойтнень марто ютавтсть экспедиция Мордовиянь зярыя районга. Пурназь экспонаттнэ сюпалгавтсызь Венгриясо этнографиянь музеенть. Евтама, лабораториянь прявтось — сеедьстэнь инже весе масторонь, раськеютконь конференциятнесэ, семинартнэсэ. Аволь умок сон ульнесь Карелиясо, Российско-Финляндской форумсо. Тонавтомс ветямо наукасо вешнемат! Те ёнксось  лабораторияс совицятнень важодемасо прявтнэнь ютксто вейкесь. Эрьва-кодамо факультетэнь студентнэ покш мельсэ ды бажамо марто кундыть тевс, пек лезды теньсэ практикась. Кода карминек содамо, ушодыця исследовательтнень икеле ламо арсемат-бажамот, конатнень прявт путовксост сюлмазь  эрзянь, мокшонь, финнэнь-угрань раськень культуратнень сюпавчинть тонавтомаст ды кепетемаст марто!