Филологическяй факультетса учёнай Советть заседанияц. (Заседание учёного Совета) МОКША
Аделавома лангса тонафнема кизось. Вов и факультетонь преподавательхне састь мяльс эсь учёнай Советть заседанияса азомс сюконямань валхт и каземс эрь кодама казнеса мокшень и эрзянь кялень тонафтыхнень, студенттнень и сятнень, кие лездсь ётафнемс эрь кодама илат. Лездсть тя цебярь тевса Мордовиянь образованиянь министерствань работникне, Финно-угорскяй народонь культурань Поволжскяй центраса покодихне и мокшэрзянь народть межрегиональнай общественнай организацияти сувсихне. Васендакиге иласа казьфтольхть районцта саф мокшень и эрзянь кялень тонафтыхне, конат лац няфтезь эсь пряснон республиканскяй пялькстомаса. Синь работаснон вельде ванфтови минценнесь республикасонк. Ламоцне эздост аделазь университетонь филологическяй факультетть. Иласа азфтольхть сяськихнень лемсна вузса ётафневи кяльхнень и литературать коряс пялькстомать студенттнень ёткса. Тяфта жа питни казнет максфтольхть сятненди, кие аф ащи ширеса общественнай эряфть эзда, вяти оцю работа нльне социальнай сетьса. Поладовсь илась аф оцю концертса, конань аноклазь факультетонь студенттне. Ули надияма, тяфтама васедемат кармайхть ётафневома эрь кизоня. Тяса кялень тонафтыхненди ули кода азомс эсь мяльснон-арьсемаснон, а вузонь преподавательхненди и студенттненди тя максы вий сяда тов вятемс научнай работа.