Фекла Игнатьевна Беззубовань чачома чистэнзэ саезь топодсть 135 иеть. (135 лет со дня рождения Феклы Игнатьевны Беззубовой) ЭРЗЯ
Лемезэ содавикс ламонень. Эрзянь сказительницась эрямонзо перть –стакачитнень кирдезь, кеняркстнэнь печтязь – свал морсесь. Седеймариця, паронь арсиця, свал аноколь лездамс- истямокс эрзявась кадовсь парсте содыцянзо, малавикс ломанензэ ледстнемасо.
Чачсь сон 1880це иень таштамковонь 27-це чистэ Кочкурбуень Од Мурза велесэ. Зверковтнень семиясост ульнесь кевейкее эйкакш, конатнень ютксто ансяк колмотне церальть. сисем иесэ тейтернесь озавтозель пряхасо штердеме-кодамо. Школав якамодо а савкшны кортамскак. Кудораськест эрясь нужачисэ. 1901 иестэ Феклань максызь мирдень экшс. Тесэяк учось нужачи. Васенце мировой войнанть пингстэ авась кадовсь кавто эйде марто. Демобилизациядо мейле мирдензэ марто туекшнесть Сибирев, уцяскань вешнеме. Эзь муеве… Самодо мейле кармасть эрямо мирдензэ чачома велесэ- Семилейсэ. Самай тей 1936 иестэ кучозель фольклорной экспедиция. Ученойтне содавтовсть эрзяванть марто. Пельдензэ марясть ды сермадсть эрзянь раськень, эсензэ ламо евтамот, морот, евкст. Сестэ и панжовсь Беззубовань ёрокчизэ. Васенце пусмозо лиссь 1939 иестэ. Ладсезь моронзо ды евтамонзо кармасть улеме пек чарькодевиксэкс ды малавиксэкс масторонок се шкань ламо ломантненень. Эзизе кадо вечкевикс тевензэ Ине Отечественной Войнань шкастояк. Эрямосо полавтоматнень марто вейсэ полавтовить эрзяванть ладсезь моротнень ежост. Ней сынь оймень-мелень кепедицят. Эйсэст евтневи масторонок содавикс ломантнеде, геройтнеде, вадрясто важодицятнеде. Неень шкане аламот содыть: «Адядо, ялгат, минек масторов» морось — те истя жо эрзяванть шкинемасто. Фекла Беззубова казезель Надежда Крупскаянь лемсэ Раськень творчествань кудонь Шнамонь конёвсо. Мордовской АССр-нь народонь морыця, Верховной советэнь депутат. Эрямонзо перть сон полады евтамонзо ладсеманть. 80де ламо сермадовксонзо сюпалгавтыть э/м литературанть. Соенензэ алтыть произведеният минек содавикс сермадейтне.Эсензэ кувака шкинемань кинзэ кисэ ды ламо теезь тевтнень кисэ Ф. И. Беззубова казезель ламо орденсэ ды медальсэ.