Этнографиянь покш диктант! (ЭРЗЯ)
Мордовиясь, минек масторонь кавксоньгемень вете субъекттнэнь ютксо, ютавтовтсь этнографиянь диктант. Минек регионсо эсензэ лангс те тевенть саизе Рав кужонь финнэнь-угрань раськень культурань курось. Прявт путовксось — ванномс, содыть-арась Мордовиянь эрицятне лия раськетнеде, сынст культурадост, историядост. Весероссиянь акциянь ютавтыцякс кармась РФ-нь национальной тевтнень коряс Федеральной агенствась. Мордовиясо те тевенть топавтызе Рав кужонь финнэнь-угрань раськень культурань курось ды национальной политикань коряс министерствась. Диктантось сермадовсь 7 площадкасо. Ошсо те: пединститутсо, университетсэ, кооперативной институтсо, образованиянь институтсо, весероссиянь юстициянь университетсэ. Республикань районтнэсэ акциясь ютавтовсь Ицялонь ды Зубова-Полянань педагогической колледжень базатнесэ. Этнографиянь покш диктантось лезды содамс раськетнеде ломантнень содамочист. Тестсэнть колоньгемень кевкстемат. Тематне эрьва кодат: РФ-нь республикатнеде, тосо эриця раськетнеде ды мик национальной ярсамопельтнеде, оршамопельтнеде. Университетэнь площадкасонть диктант сёрмадсть 150 ламо ломанть. Мезесь кенярдовтынзе сонзэ ютавтыцятнень – сонзэ сёрмадомо састь ламот. Ютксост тонавтницят, тонавтыцят, библиотекасо важодиццят, образованиянь, национальной политикань коряс министерствасо важодицят. Цётамотне кармить яволявтозь ковонь ютазь.