Эрзянь содавикс морыцянть, седицянть, «Торама» фольклоронь ансамблянь пурныцянть – Владимир Ромашкинэнь лемензэ ледстнемга (ЭРЗЯ)

Владимир Ромашкин седе содавикс Йовлань Оло кудолементь ало. Сон тусь эрямосто, зярдо тензэ ульнесть ансяк 50 иеть. 2002-це иень умарьковонь 29-це чись свал кадови раужокс малавиксэнзэ ды ялганзо туртов. Сынь эрьва иестэ сакшныть калмонзо лангс, ледстнить валдо лемензэ. Пётр Рябов ды сонзэ прявтсо «Эрьмезь» вейсэндявксось Йовлань Олонь эрямонзо ды шкинеманзо лецтнемга весе тевтнень топавтыть мелень путозь. Олонь цёразо Андрей чачонь коряс пек моли тетянзо ёнов. Сон – «Торама» фольклоронь ансамблянь художественной прявт, полады тетянзо тевенть. Андрейнень ульнесть 18 иеть, зярдо кулось тетязо. Истямо ёмавтомась кандсь покш ризкс. Ансяк тетянзо марто ютавтозь шкась – сырнеде питней.  Олонь калмонзо лангс путовить цецят. Сонзэ лецтнемга сергедеви седейс токиця моро.  Йовлань Олонь валдо лемезэ эри ды свал кадови минек седейтнесэ. Кеврунгонзо лангсо сёрмадозь валтнэ –  тенень невтема!