Эрзянь литературоведэсь ды критикесь Г.Горбунов тешксты юбилей. (ЭРЗЯ)

Генрих Иванович Горбунов сёрмадсь наукань сядодо ламо важодевкст. Сынст ютксо литературань-критикань колмо пусмот, тиринь литературань коряс программат ды тонавтнема книгат. Литературоведэнть валонзо коряс эрьва сёрмадыцянть ули эсензэ шказо, зярдо сон невтьсы прянзо, шкинеманзо, зярдо сон пачкоди эсензэ тёкшос ды  мейле те тёкшостонть карми ваномо, мезе кадови мельганзо. Генрих Ивановичнэнь ули мезе лангс ваномс, те ломанесь научной эрямокинзэ перть сёрмадсь  ламо эрявикс материал. Свал паро мельсэ ледстни сеть ломантнень конат путсть покш талика сонзэ литературной касомантень. Кенярды, што кайсь пек превей сёрмадыця ютксо, сынь эзть пеле ёвтамс эсь мелест, зярдояк эсть манче, ульнесть видестэ кортыцякс, вечксть эсь раськест ды ульнесть алкуксонь сёрмадыцякс.  Артур Моро, Василий Коломасов, Илья Девин, Пётр Кириллов ды ламо лият. Генрих Горбунов лия автортнэнь марто вейсэ анокстась ды нолдась зярыя книгат. Неявикс важодексэскс ашти «Од Вейсэнлувонть» эрзянь кельс ютавтомазо. Малав кото иеть сон учёнойтнень марто важодсь  те тевенть лангсо ды 2007-це иестэ роботась ульнесь топавтозь. Генрих Иванович Горбунов  МАССР-нь школань заслуженной тонавтыця, МР-нь Государственной премиянь лауреат, Ицялонь Почётной гражданин.