Эрзянь келень урок. (Урок эрзянского языка) ЭРЗЯ
Вечкемс тиринь келенть, содавтомс мартонзо эйкакштнэнь! Истямо лувонь кирдезь, топавты тевензэ Саран ошонь 2-це номер школань эрзянь келень тонавтыцясь Марина Сыркина. Эрьва уроконть сон бажи теемс мельстуицякс ды ламо содамочинь кандыцякс. Марина Сыркина – эрзянь келень тонавтыцясь Саран ошонь 2 це номер школасо важоди аволь умок. Теке марто, предметэнзэ тонавтомга, мусь чарькодема весе тонавтницянзо марто. Педагогост лангс ванозь, эйдетне паро мельсэ чопавтыть эрзянь культурань сюпавчис.
Занятиятнесэ тонавтыцясь нолды тевс эрьва кодат методикат. Мезесь, чарькодеви, максы покш цетамот. Марина Сыркина сеедьстэ эрси э/м покшчитнестэ. Покш мель яви ютавтовиця семинартнэнень ды промкстнэнень. Тешксты, тиринь келень тонавтыцятнень марто вастовомсто ламот кортыть стакачитнеде. Саемга, течинь чис аламо методической тонавтнемапельтнеде, овсе ёмасть печатазь лувсо важодемань тетрадтне. Ашти каштанчисэ, школав сыть ламо од специалистт, а те максы кемема: эрзянь, мокшонь кельтнень сы шкаст ули!