Эрзянь эстрадасо од теште! (ЭРЗЯ)

Мордовиянь государственной филармониясо од солист. Андрей Бочкановонь моронзо коласть аволь вейке седей. Морси кода содавикс морыцятнень морост истяжо сёрмады сонсь. Аволь умок лиссь сонзэ «Вай кодамо» эрзянь кельсэ морозо ды те ансяк ушодкс. Сонзэ шкинемадо минек репортажсо. Сонзэ мельсэ келейгавтомс эрзянь-мокшонь эстраданть, теемс сонэ седе вечкевиксэкс од ломантнень туртов. Андрей эзь арсеяк, што карми морамо покш сцена лангсо, прянзо анокстась строителекс, тонавтнесь университетсэ. Теке марто сёрмадсь морот. Эрзянь келенть тонавтнизе велесэ, бабанзо кедьсэ улемстэ. Сон тензэ мерсь, што рузонь кельсэ нуцьканзо марто кортамо а карми, АНСЯК эрзянь кельсэ. Истя Андрей тонавтнизе те келенть ды овсе а янкси. Келень содамось лездась сонензэ моронь сёрмадомасо. Эйстэдест сонзэ аволь пек ламо, но од ломанесь кеми, што те ансяк ушодкс. Андреень моронзо гайгить этнодискотекатнесэ. Корты лия финно-угорской республикатнесэ од ломантне пек вечкить эстрадань моротнень, конатнень морсить тиринь кельсэ. Алкукскак, меельце иетнестэ регионтнэсэ этнической эстрадась ашти неявикс таркасо.