Эрзянь ды мокшонь раськень масторъютконь вейсэндявксонь промкс. (Заседание Исполкома Межрегиональной общественной организации мордовского народа) ЭРЗЯ
Чинь повесткасонть васенце кевкстемакс аштесь Финнэнь-угрань раськень Весемасторонь 7-це конгрессэнтень, конась юты те иень аштемковсто Финляндиясо, делегатонь кочкамось. Зярс кемекстазельть кото делегатт ды кавто наблюдательть. Омбоце кевкстемась алтазель тиринь кельсэ тонавтомапельтнень ды художественной литературанть нолдамодонтень, кода Мордовиясо истя и сеть регионтнэсэ, косо эрить эрзят, мокшот. Домка доклад тень коряс тейсь учёноесь, литературоведэсь Александра Каторова. Сон тешкстынзе сеть асатыкстнэнь, конатнень маласо шкасто эряви витемс. Тевесь – тиринь литературань коряс тонавтомапельтнень аламочисэнть; сынь таштомсть, эряволь бу нолдамс одт.
Колмоце кевкстеманть коряс мелест ёвтызь национальной массовой информациянь средстватнесэ важодицятне. Сехте покш сэредьксэсь тесэ – кадрань а сатомась. Весе талновтыця кевкстематне кармить улеме резолюциясо, конань эрямос совавтомась веши шка.