Эрзя-мокшонь раськень культурань музейсэ панжовсь МР-нь заслуженной художникенть Николай Рябовонь выставказо. (ЭРЗЯ)

Николай Рябовонь шкинеманзо марто минек ваныцянок содавтовсть умок. Сон минек сюжетэнь сеедьстэнь инже, мезесь корты -те ломанесь свал тевсэ, кода университетсэ, истя и мастерскойсэнзэ, косо чачить истят вана   шедевратне. Художникенть шкинемань кизэ ушодовсь колоньгемень иеде теде икеле. Те кемнилееце персональной выставказо, кона анокстазель нурька шкань перть. Экспозициянть лемдизь экспериментальнойкс, мекс сонзэ эйс совасть ансяк портретт. Те жанрась ловови стакакс, секскак аволь ламотне выставкань пурнамсто молить се киява, конань ней кочкизе Николай Рябов. Выставкань панжома чистэ сыцятнень ютксо сеть, кить кармась художникенть портретэнь героекс. Валост коряс-портреттнэ пек реалистичнойть ды тусть мельс весень туртов. Графической роботатнесэ парсте неяви художникенть ёрокчизэ. Тесэ сон тевень вадрясто содыця, пштистэ несы ды невтьсы ломаненть коронзо. Невтеви те «Хакасиясто инже», «Сету раськень эстонка», «Бурнаев профессорось» ды лия графической портретнэсэ. Кемтяно выставкас сыцятне кадовить сонэ эйстэ покш мельспаросо. А сонсь художникесь маласо шкасто кенярдовтсамизь од роботасонзо.