Эрзя-мокшонь раськень драмань театрасо премьера. (ЭРЗЯ)

Якшамковонь 3-це чистэ невтезель А. Галинэнь пьесанзо коряс «Ретро» спектаклясь. Пьесась ульнесь сёрмадозь тёжа вейксэсядт кавксоньгемень васенце иестэ ды уж аволь весть невтезель Московонь ды Санкт-Петербургонь театратнесэ. Саранск ошсо спектаклянть путызе режиссёрось Юрий Хвостиков. «Ретро» — те лирической комедия, косо пачтяви сыре ломантнень эрямодост, стакачитнеде, конатнень печтить. Сынь эрить течи, весе ледстнемаст жо жо кадовсть се шкасонть зярдо сынь ульнесть одт ды уцяскавт. Пьесанть прявт героесь Николай Михайлович Чмутин, калмизе нинзэ, зярыя иеть эрясь ськамонзо. Тейтерезэ содамонзо марто саизь атянть велестэ ошов ды ней снартнить сонзэ одс урьвакстомс. Зярыя валт ёвтама актёрской составдонть, сценанть лангсо алкукскак пурнавсть Мордовиянь содавикс налксицятне.Спектаклясь эсь лувонзо коряс пек моли советэнь шкань фильматнень ёнов, ансяк Юрий Хвостиковонь постановкась неень шкадонть, зярдо интернетэсь, социальной сетьсэ сёрмалемась полавты вейке вейке мартонь кортнеманть. Шкадонть, конань эряволь бу явомс малавикстнэнень, кадови яла седе аламо.