Эрзя-мокшонь раськень драмань театрась изнясь «Большие гастроли» регионъютконь программасонть. (ЭРЗЯ)
Ожоковонь 18-20-це читнестэ эрзя-мокшонь раськень драмань театрась гастроль марто карми Чебоксарсо. Те молемась совавтови эрямос «Большие гастроли» регионъютконь программанть лезксэнзэ вельде. Сёксенть самонть марто театрань труппась свал тевсэ: анокстыть сезононь панжомантень ды Чебоксары ошов гастрольтнес. «Большие гастроли» программась лезды кавто театратненень ютавтомс зярыя чить шабра регионтнэсэ. Программанть вельде эрьва театрантень явозельть ярмакт, конатнень лангс минек театрась моли Чувашияв, а Чувашиянсесь сы Мордовияв. Од сезононть театрась панжсы содавикс спектаклясо, а иень перть аноксты невтемс кавто премьерат.
Ютазь сезононть пекстызь мельстуицясто: невтсть зярыя мастер-класст. Те пек вечкевсь ваныцятнень туртов. Од сезононть арсить панжомс выставкасо, косо невтьсызь театрань историянть, налксицятнень. Теде башка иенть перть арсеви ютавтнемс мастер-класст вишка ваныцяст туртов. Лецтясынек, премьерась карми ожоковонь 13-це чистэ.