Эрзя-мокшонь драмань театрасо ютась К. Абрамовонь «Эрьванть эсензэ ормазо» пьесанзо коряс спектаклянь премьерась. (Национальный драматический театр Мордовии поставил спектакль по пьесе К. Абрамова «У каждого своя болезнь») ЭРЗЯ

Литературань иенть эрзя-мокшонь драмань театрасо тешкстызь эсест ладсо. Ютазь иестэ сёрмадыцянтень Кузьма Абрамовнень чачома чистэнзэ топодсть 100 иеть ды те театрань важодицятне одс лецтизь весе ваныцятненень классикенть произведениятнень эйстэ вейкенть. Спектаклянь действиясонть невтеви неень шкась. Налксицятнень лангсо неень шкань оршамопельть, а реквизитсэ сотовой телефонт. Апак полавто ансяк кадовсть диалогтнэнь эйстэ покш пельксэсь. Комедиянь  героейтнень протипест течинь читнестэяк вастневить велетнесэ. Ваныцятне одс маризь Кузьма Абрамовонь мазый, пшти, виев келензэ. Залсо ваныцятнень ютксо  содавикс критикть, искусствоведт. Василий Брыжинский ламо иень перть национальной культурань институтсо тонавтсь театральной искусствантень. Андрей Анисимов сонзэ тонавтницязо. Василий Сергеевичэнь ули мезе ёвтамс тонавтницянзо туртов.

Вечкевсь-арась Абарамовонь комедиянь образтнэнь истямо неень шкань невтемась, те кевкстеманть марто пшкадинек ваныцятненень. Сынь путсть спектаклянтень покш питне. Теде кортыть цецянь пусмотне ды виев цяпамотне, а те налксицятнень туртов сехте питнев казне!