Экологиянь субботниктне Мордовиясо поладовить таштамковс! «Генеральная уборка» Весероссиянь раськень фронтонь проектэнть лувсо общественниктне ульнесть Саранск ошонь Пролетарской райононь вирьсэ, косо сеедьстэ оймсить эрицятне. (ЭРЗЯ)

Весероссиянь раськень фронтонь активистнэ волонтёртнэнь марто вейсэ капшить виренть ваньскавтомо. Истят шукшпрятнеде тесэ пек ламо. Од экологтне сеске кундыть тевс. Таркань коряс апак кемекста шукшпрятнень кардамост, ломантнень шукшонть марто видестэ прянь ветямодо стакачинтень  мельявомань кепетемась, экологиянь культурань кастомась! Дмитрий Массёров тешксты се ёнксстонть, мекс экодесантсо ламо од ломанть. Мордовиясо- экологиянь субботниктнень ютавтомадо  мелесь- Весероссиянь раськень фронтонь региононь отделениянь активистнэнь.  Акциятне ютасть ламо районтнэва. Неень шкане экспертнэнь вановтост ало — Саранск ошонь округсо улиця виртне, конатнесэ сеедьстэ оймсить ломантне.  Ледстясынек,  «Генеральная уборка» экопроектэнть лувсо важоди «Интерактивная карта свалок» сетевой ресурсось, конасонть сынсь эрицятне тешкстыть апак кемекста таркасо шукшонь ёртомань эли апак кемекста шукшпрянь улиця таркатнень.