«Экология» раськень теварсевксэсь (эрзя)

Ицялонь буесэ коммунальной калгодо шукшонь пурнамось моли неень шкань лувсо. «Создание комплексной системы обращения с ТКО» федеральной проектэнь «Экология» раськень теварсевксэнть лувсо Ицялонь буесэ путозь суликань туртов 15 контейнерт: 14 – Кемлясо ды вейке – Ицялсо. Сынст рамамос ютавтозельть 585 тёжат целковойть.
Велень эрицятне явить шукшонть, одс тевс нолдамга. Суликань контейнертнэстэ шукшось а сявордови коммунальной лия каявкстнэнь марто: кисэнзэ сы башка ардомапель.
Тешкстама, истят контейнертнес мереви кайсемс чакшт, суликат, суликань кедьгинеть. А мереви тозонь кайсемс хрусталь, фарфор, керамика, ампулат, лампочкат, вальмань ды ардомапелень суликат, чамаваномат.