Дубёнкань буесь «Шумбрат, Мордовия!» фестивальсэнть. (ЭРЗЯ)

Фестивалень тематикась пек лади Дубёнкань буентень. Сынст ёнкссто ламо Советской Союзонь геройть, эрицятне аштить каштанксчисэ ве таркань эрицяст Армиянь генералонть Максим Пуркаевень кисэ. Секскак концертсэст ламо патриотической композициядо.         Фестивалентень буесэст анокстасть иень перть. Стасть мазый оршамопельть, анокстасть мелень саиця номерт. Шкинев ломантнень эйстэ вешнесть эрьва поселениясонть.

Се, што те невтевксэсь кандови Дубёнкань буентень чарькодеви сеске. Сынст викшневкстнэнь а тапасыть лия викшневкстнэнь марто! Човалясто, сёвоньстэ теезь мазыльмат, някат, ламо сувенирэнь продукция ды ламо мезе лия невтсть выставкасонть Дубёнкань буень кедьчелькев ломантне.

Надежда Чаткина викшни эйкакшпингестэ саезь. Эрямонь перть викшнесь 33 нардамот, конатнень эйстэ 24 казинзе. Венчамонень викшни кувака нардамот, лемдеманень кочкси келей чевте коцт.

Те концертэсь буень художественной самодеятельной коллективтнень туртов аволь ансяк морамонь, киштемань ёрокчинь кепетема. Ансяк ушодыцятненень шкинемасонть те васенце эскелькс. Фестивалень цётамотне ёвтавить ацамковонь 10 чистэ.