Дубёнкань буесь келейстэ тешкстызе 89 иень топодеманть! (ЭРЗЯ)
16 велень интерактивной кужотне домкасто невтить Дубенкань буенть эрямопингензэ, кона кеместэ сюлмазь республиканок ды масторонок эрямопингенть марто. Ломаты велень эрицятнень пельде- раськень налксемат, Кочкурвелень эрзятне казить покшчинь инжетнень туртов ламо вайгельсэ эрзянь мазый морот. Кедьчелькев ломанень теевкст, конатнень ютксо човалясто артовкст, цецясто пурнавкст, викшневкст ды лия мазычись невти, тесэ эрить ёроков ломанть! Пуркаева велень эрицятне кочкизь Ине Отечественной войнадо теманть, содавикс тувталонь коряс. Шумбрачиде, ояксчисэ эрямодо, паро норовдо, кудораськетнень кемекстамодо пшкадить Инешкипазонтень озкссо Кобалень эрицятне. Лия ёнов а молиця казне Поваделень эрицятнень пельде! Шумбракстнемань вал марто весенень пшкади Московонь ды весе Русень 16-це пингень чинязось. Буень покшчинь прявт тешксэсь – воинтнэнь-интернационалистнэнь, боевой действиянь ды локальной войнань участниктнень ледстнемга кеврунгонь путомань тарканть панжомазо. Райононь кирдивийтнень важодемасо прявт путовкстнэнь эйстэ вейкесь – Дубёнкань буесэ чачозтнень кемечист невтемга, од ломантнень ютксо тиринь ёнксонтень вечкеманть кепетемась. МР-нь прявтонь тевтнень топавтыцянть Владимир Волковонь пельде кенярксчинь марто поздоровт ёвтась Госсобраниянь прявтось. Владимир Чибиркин тешкстась буенть касомадо-кепетемадо, эрьва кодамо ёнкссо паро невтевкстнэде. Кармавтсь икелепелевгак аравтнемс покш, эрявикс, лезэнь кандыця путовкст, конат эрявить совавтомс эрямос. Ансяк ютазь иень перть районс бюджетэнь тевс апак нолда совавтозельть инвестициянь кавтосядто ламо миллионт целковойть. 2017-це иень кото ковтнень перть – малав сядо миллионт бюджетэнь инвестицият! Моли 6 пель марто тежа скалс ловсонь неень шкань комплексэнь кепетема, ваннови Поваделесэ ловсонь комплексэнь кепетемадо проектэсь. Одкстомтови крахмалонь заводось, анокставить инвестплощадкат предпринимательтнень туртов. Орданьбуесэ кепетеви социальной куро. Буень эрьва ломанесь бажи од изнявксос! Покш казнеть, конатнень ютксо МР-нь Прявтонь Сюконямонь валт, Госсобраниянь, профильной министерствань, Дубёнкань буень администрациянь Шнамонь конёвт, весе сеть ломантненень, конат теить покш путовкс тиринь районост кастомга-кепетемга!