Национально-региональный компонент в детском саду «Чипайне» (эрзя)
Содазь, эйкакшонь кужосо важодемась аволь шождатнень эйстэ. Воспитательтне путыть ламо вийть ды вечкема эйдетнень трямосо-кастомасо. «Чипайне» — истя лемдязь Чаунзань районсо Покш Маризь велень эйкакшонь кужось. 1990-це иестэ панжозь 2 этажсо зданиясь, кона ашти веленть куншкасо, эрьва чи васты вишка сыцянзо. Кода и ламо лия велетнесэяк, эйдетнень ламочись киртявсь. Тень лангс апак вано, кужонь важодицятне весе виест путыть вечкевикс тевентень. Мазыйстэ пурназь-тейнезь нупальтне кенярдовтыть весе сыцятнень. Ёвксонь кондямокс лемдить эйкакштнэ кужонть. Ламо цецят, чувтосто керсевкст, декорацият, ки лангсо видестэ прянь ветямонь ужине-весемесь кецявты. Ёвтама, эйкакштнэ ванстыть те мазычинть! Ули тесэ вишка музей, косо сеедьстэ ютавтовить занятият. Надежда Доброва воспитателень профессиянть кочкизе умок. Видьксты, лия таркасо прянзо а неи.