Чаунзань 1-це номер лицейсэ ютась «Лики добра» фестивалесь. (ЭРЗЯ)
Чаунзань 1-це номер лицеентень тедиде топодить 120 иеть. Буень тонавтомань учреждениятнень ютксо, те кезэрень тонавтомань тарка, кона аволь весть лиснесь изницякс эрьва кодамо пелькстамосо. 4 иеть теде икеле лицеень прявтнэ састь мельс ютавтнемс те фестиваленть. Сон истя тусь мельс тонавтницятнень туртов, што арсезель ютавтнемс сонзэ эрьва ие. Фестивалень ютавтыцятне бажить ладямс сонзэ лувонть истя, штобу эсет ёрокчист эйсэнзэ невтевлизь лицеень весе тонавтницятне. Те иестэнть пелькстамось мольсь зярыя номинациява. Ёвкст, морот, киштемат, сочиненият – весе те невтезель гала-концертсэнть. Эрьва номерсэнть ульнесь парочинь невтема. Те тонавтема таркась сюпав эсь койсэнзэ, конат покш тешкс кадыть тонавтомань лувонть лангс. Тень тешкстызе сонзэ прявтось Николай Туленин. Фестивалентень анокстасть аволь ансяк эйкакштнэ. Покш путовкс сонзэ ютавтомасо тейсть тетятне-авантне. Весе пелькстыцятненень шнамонь коневт ды тантей ярсамопельть. Кемтяно, курок шкане те фестивалесь карми ютамо аволь ансяк те лицеень тонавтницятнень ютксо.