Чаунзань 1-це номер лицейденть. (ЭРЗЯ)
Историязо ушодовсь 1898-це иестэ. Ули музей, библиотека, лиякс меремс ули весе, мезе веши неень шкань тонавтомань процессэсь. Зярыя иеде теде икеле историко-краеведениянь музеесь раськень койтнень ванстомань кисэ тешкстазель краеведениянь сех вадря программань кисэ васенце премиясо.
Те тонавтома таркасонть весемесь кирдеви умонь шкасто ладязь паро, кеме койтнень лангсо. 35 иеде ламо лицейсэнть ули «Юность» туристэнь курось. Памир, Тянь-Шань, Алатау, Каракум – те аволь покш пелькс сеть таркатнеде, ков пачколесть лицеень тонавтницятне. 700-до ламо эйкакшт ютызь туристэнь куронть. Нама, покш путовкс коень кирдемасо, кастомасо тейсть лицеень тонавтыцятне.
Каштанчисэ аштить историко-краеведениянь музеенть кувалт. Сон кельгстяви кавто нупальс, пурназь тосо 3 тёжадо ламо экспонатт. 30 иеде теде икеле лицейсэнть пурназель «Красные следопыты» поисковой отряд. Сонзэ эйс совицятне эрьва ие якить вешнемань вахтас. Вадря важодемань кисэ, од ломантнень патриотической кастомань кисэ, аволь весть тешкстазельть республикасонок ютавтовиця пельткстамотнесэ.
Зярыя валт эряви ёвтамс лицеень тонавтницятнеде, конат эрьва ие парсте невтить пря республикасонок ютавтовиця тонавтомань пелькстамотнесэ, шкинемань фестивальтнесэ. 120 иетнень перть лицейстэнть лиссть ламо содавикс ломанть, конат ней паро мельсэ лецтнесызь тиринь тонавтнема таркаст. Кемтяно, сеть койтне, конат путозельть тонавтнема таркасонть, кармить седе товгак кирдевеме ды касомо. А тень туртов лицейсэнть ули весе – эсь тевень содыця коллектив ды превей, неень шкань вешемань кирдиця тонавтницят.