“Чары пластинкась…” А. Араповонь лемензэ кундамга (ЭРЗЯ)
Ацамковонь 8-це чистэ А.С. Пушкин лемсэ национальной библотекасо «ВАЛ» курось ютавтсь «Чары пластинкась…» поэзиянь чокшне. Сон алтазель эрзянь поэтэнтень, бардонтень Александр Араповнэнь. Пурнавозтне ледстизь содавикс ломаненть шкинеманзо, эрямокинзэ. Александр Арапов чачсь тёжа вейксэсядт ведьгемень вейксэце и иень сундерьковонь1-це чистэ Дубёнкань райононь Кенде велесэ. 1977-це иестэ прядызе Кобалень школанть. М.В.Ломоносов лемсэ МГУ-нь журналистикань факультетэнть прядомадо мейле, малав кавто иеть важодсь «Мордовский университет» газетань корреспондентэкс. 1985-це иестэ тердизь роботамо «Сятко» журналонь редакцияв. Ульнесь литсотрудникекс, поэзиянь ды публицистикань отделэнь редакторокс 2000-це иестэ саезь – «Сятко» журналонь главной редактор. Вастовомантень сакшность поэтэнть малавиксэнзэ, ялганзо ды творчествань вечкицянзо, конат лембе валсо ледстнесть поэтэнть, ловность стихензэ. Людмила Рябова корты Александр Васильевичтэ – сон марилизе валонть танстензэ, содылизе питнензэ ды виензэ. Сон кармавтсь эсь прянзо ды тонавтсь минекак, одтнэнь, важодеме эрьва валрисьменть лангсо, пачтямо эрьва сёрмадовксонть истямо сэрьс – илязо уле визькс эсеть ды ловныцятнень икеле. «Кирдеде планканть!» — ульнесь сонзэ свалшкань кармавтомазо. Ды минь весе вийсэ бажинек кирдемс те «планканть», мартонзо вейсэ кепединек сонзэ.