Блокадань Ленинградонь эрицясь патриотизмань уроксо. (ЭРЗЯ)
Ленинград ошсо каязель блокадась. Ломантне, конат чачсть Ленинградсо кармасть тетянь, покштянь тевень поладыцякс. Патриотизмань урок ютавтозель Саран ошонь 1-це номер тонавтницятнень туртов Маршак лемсэ библиотекасо.
Екатерина Чиглинцева — блокадань Ленинградонь эриця. Эсь сельмсэ неизе войнанть, соды мезе истямо вачочись. 900 чить ды веть, 29 ковт тюрсь блокадной Ленинградось, керязь покш моданть эйстэ. Ошось цидярдсь. Ансяк пандсь тень кисэ а ёвтавикс питне. Блокадань перть ошстонть ускозельть 1 миллион 300 тёжат ломанть. Тельня усксть эйсэст Ладожской эрькенть трокс «эрямонь кияванть».
Вачочи, конань кирдсть ломантне, тень лангс немецтне пек кемсть, учость зярдо ошонь эрицятне кармить куломо. 1941-це иень якшамковонь васенце чинтень Ленинградсо эрясть 3 миллиондо цють седе аламо ломанть. Эрьва чи кулость 4 тёжадо ламо. Теке марто ошось цидярдсь! Теде касыця од ломантненень а эряви стувтнемс.
1965-це иестэ ошонтень максозель Город-герой лемесь. Весе масторонть икеле свалшкань примерэкс карми аштеме минек ломантнень подвигест. Сюконятано сынст икеле!