«Бессмертной полконь» акциядо. (Акция «Бессмертный полк») ЭРЗЯ
Панжиковонь 9-це чистэ масторлангонь весе эрицятне кармить тешкстамо кенярксов ды талновтыця чинть – Ине Отечественной войнасо Изнямонь 71 иень топодеманть. Покшчинтень анокстамось моли весе вийсэ. Мордовиясо те акциясь ютавтови котоцеде, ламонень сон теевсь вечкевиксэкс ды учовиксэкс. Ломантне кавто ковдо икеле кармасть печатамо покштяст портретэст, конатне тюрсть Ине Отечественной войнасонть. Арсеви, што те иестэнть акциянтень сыть малав вете тёжат ломанть. Шествиянтень мереве самс весенень, кить а стувтнеть сы шкань геройтнень ды кирдить мельсэст, кодамо питнесэ малавиксэст туртов максовсь Изнямонь чись. Ошонь эрицятненень мереве самс покштяст портретэст марто Привокзальной курос «Героям-стратонавтам» кеврунгонть ваксс. Регистрациянть ютызь 4000 ломанть, организатортнэнь валост коряс, те тевенть теить эсь олясо, яла теке кинь ули мелезэ мереви гайневтемс 47-14-11номерганть эли сёрмадстовтомс прянть интернэтэнть вельде.