«Бессмертная рота из Красной Зорьки» лем марто пусмо лиссь неть читнестэ Мордовиясо! (ЭРЗЯ)

Книгань авторонть, Николай Сульдяйкинэнь марто, вастовинек Мураньсэ, Ине Отечественной войнань солдатнэнень кевругонть вакссо. Те ней пусмонь анокстыцясь  кепетезь ёжосо. Видьксты, ламоксть нолдневсть кедтне, зярдо вастневсь ачарькодема марто. Мелесь сыргозтемс велень эрицятнень ледстематнень Якстере Зорькасто масторонок  олякстомтыцятнеде информациянь пурнамось  чачсь умок: фронтовиктне теке кадозельть мельтеме. 95 церат 1941-це  иестэ тусть Яквстере Зорькасто фронтов. 45-тне эзть велявто кудов, маштовсть, емасть кулявтомо. Ламот ранязельть, 11-тне састь кудов лавшо шумбрачи марто. Весень сынст лемест, подвигест вельмевтемга Николай Сульдяйкин вети покш, домка важодеманзо. Аламонь-аламонь сонензэ удалась кепедемс ломантнень. Стакачисэ муезельть ансяк 52 фотографият. Нолдавкссонть зярыя кувтат. Яктере Зорькань геройтнеде материалдонть  башка максовить фотографият, муеви боевой наградадо информация. Книгатнеде -300. Весе сынь казевить велень эрицятнень ды малавиксэст туртов. Нолдазь пусмосонть авторось пшкади ловныцятненень фронтовиктнеде од информациянь кучомадо. Паряк, зярдояк сави-лиси  одкстомтомс те питней ды эрявикс важодевксэнть!