Беларусьсэ анокстави невтема (эрзя)
Панжиковонь меельце читнестэ Беларусь Республикасо юты «Весна в Гомеле» Раськеютконь невтема.
Белоруссиянь микшнемань-промышленной палатань Гомелень курось Гомелень ёнксонь ды ошонь исполнительной комитеттнэнь лезксэст вельде аноксты «Весна в Гомеле» юбилеень XXV-це Раськеютконь невтеманть, конась юты 2024-це иень панжиковонь 23-це чистэ саезь 26-це чис. «Весна в Гомеле» — Гомелень ёнксонь раськеютконь покштояк покш улевкс, Беларусень региононь покш невтема, региононть марто содавтома. Невтемань прявт тевесь — продукциянь од теевкстнэнь невтема ды микшнема, важодемань од ялгань вешнема, Россиянь регионтнэнь ды СНГ-нь мастортнэнь, омбо масторонь ёнкстнэнь марто микшнемань-экономикань тевсюлмавоматнень ладямо.
Невтемасонть коень коряс кармить Гомелень ёнксонь ды Гомель ошонь прявтт, государственной властень, дипломатиянь миссиятнень, микшнемань-промышленной палататнень ды бизнесэнь представительть. Эсензэ улеманзо перть невтемась пурнась 10 тёжадо ламо отечествань ды омбо масторонь компаният модамасторонь 50 мастортнестэ. 2024-це иестэ 5,5 тёжат кавонзазь метрань таркасонть невтевить Гомелень ёнксонь ды Беларусь Республикань прявт отраслятне. Производствань вийтнень невтьсызь прявт предприятиятне, ютксост велень хозяйствань техникань, ардомапелень ды оборудованиянь, сывелень-ловсонь, ярсамопелень, чувто ланга важодемань, химической, шожда промышленностень, кшни марто важодемань, вирень хозяйствань, стявтомань, истяжо спортонь ды туризмань организациянь, бизнесэнь инфраструктурань, банктнень ды шумбрачинь ванстомань учреждениянь. Экспозициясь лезды содавтовомс теевиця продукциянть марто, ютавтомс кортамот ветицятнень ды компаниянь менеджертнэнь марто стендтнесэ, кортавтомс предприятиятнень содавтоманть. Истяжо невтевить Россиянь региононь, омбо масторонь вейсэнь стендтнэ.
Теварсевксэсь инновациянь туристэнь объекттнэнь ды маршруттнэнь вельде сыргавты вишка таркатнень кастоманть.