Аштемковонь 15-це чистэ саезь 25-цес Самара ёнкссо юты «iВолга» Рав кужонь Федеральной округонь од ломанень форумось. (ЭРЗЯ)

Сон совавты эсензэ юрс зярыя сменат, эрьванть эйстэнзэ эсензэ тематиказо. Форумсонть весе ёрокчист невтить од ломанть 18 иестэ саезь 30-ньс. Мордовиянть пельде те мероприятиянтень регистрация ютасть 276 ломанть. Весе проектнэ ванкшновсть ды юткстост кочказельть 110. Бути сынь парсте идесызь эсест проектэст, сонзэ эрямос совавтомантень максови грант 100 тежасто 300 тежат целковойс. Весемезэ жо од ломанень форумсонть бажить невтемс пря 6 500 од ломанть. Тенень карми алтазь башка программа. Истяжо Иволгасонть карми ютавтозь робототехникань коряс окружной чемпионат. Покш мель карми явовомо биомедицинантень, автомобилестроениянтень. Теде башка форумсонть карми музыкальной фестиваль. Мордовиясто тозонь арсить кучомс колмо коллективтнень эйстэ вейке, ютксост морыть рэп, рок ды фольклорной морот.