Артём Здунов вастневсь вирень хозяйствань министерстванть ды профилень ведомстватнень марто (эрзя)
Талновтыця кевкстематне ваннозельть коллегиянь промкссо. Мордовиянь вирень хозяйствась сюпалгадсь од ардомапельсэ, конатнень эйстэ ключтнень казинзе Республикань Прявтось. Весемезэ рамазь 9 эрьва кодат «Ниват». Артём Здунов путсь техникантень питне ды кевкстсь лия ардомапельде. Мордовиянь вирень, оциницянь хозяйствань ды пертьпельксэнь министерствань коллегиясо ульнесь покш инже. Видеосюлмавомань пачк весень марто кортамосонть путозель питне кирваземань каршо ютавтовиця важодемантень. Министерствась топавтсь ламо тевть «Пертьпельксэнь ванстома» теварсевксэнть лувсо. 2023-це иестэ вирень вельмевтемань программась сюлмась 1900 гектарт. Озавтомань чувтынетнеде Мордовиясо ламо. Республикань Прявтось макссь кармавтома миемс озавтомапельть лия регионтнэс. Теке марто ванькскавтозельть Мокшань 17 ды Саранка леень ведень чудема таркань 6 вайгельбеть. Республикасо веденть марто тевтне паролгавтовить. Мордовиянь Прявтось тешкстась, ванькс лейтне — те туризмань кастома. Министерствантень максозь кармавтома муемс лездамопельть Тавланть, Левжанть ды Инсаронть ванькскавтомга. «Ванькс мастор» теварсевксэнть лувсо одкстомтозь шукшонь таркась Ковылкинасо. Те иестэ прядовить важодематне Рузаевкасо, Краснослободскойсэ ды Темниковасо. Адель Галиуллин ёвтась мель виртнень ламолгавтомаст коряс. Теде башка Адель Галиуллин мерсь, 2023-це иестэ министерствась важоди климатонь полавтоманть коряскак. 3 важодицят ютасть содамочинь кастома «Россиянь регионтнэнь климатонь кемечи» программава. Весемесь сюлмазь велень хозяйствань органикань кадовкстнэнь ды сынст од лувсо тевс нолдамонть марто.
Мордовиянь Прявтось тешкстась, стратегиянь прявт ёнкстнэ путозь Президентэнть Кучомасо.