Артём Здунов васетькшнесь ошень ТСЖ-нь и кудонь комитеттнень оцюняснон мархта (мокша)
Мордовиянь Оцюнясь макссь ЖКХ-нь кизефкснень коряс эрь кодама мярьгомат. Корхтамась мольсь ламоть колга и кодама эрявихть нинге тефт, штоба машфтомс тапаркснень. Ня ломаттне пяк лац фкя-фкянь содайхть — лама квартирань кудонь азорхне, управляющай компаниянь оцюнятне, лезксонь и ресурсонь макссихне, чиновникне. Тяфта ладявсь ни эряфса, ЖКХ-нь системаса, койс коре, аш кода каготфтома. Сяс синь содафт, а тяни кемокстазь соткснень эсь васедемаснон мархта. А корхтамада ульсь пяк ламоть колга.
Василий Гуслянников, кода ТСЖ-нь оцюня, лама кизот пачфни, штоба трубась афолезе пяксне кить Октябрть 50 кизонь проспектста Фурмановав. Пшкядемась азф кагод лангса. Сяда тов Республикань Оцюняти тяфта жа састь нинге кой-мзяра кизефкст. Кой-кинь таколфтсы кись куттнень перьфке, кой-коса аф сатни иттненди налхксема вастсь, а кой-кона куттнень шуди вельхкссна. И тяфта кизефкс лангс кизефкс, корхтамась ётнесь фкять эзда омбоцети.
Министрхне и лия чиновникне курокста шарфтсть мяль вешфксненди. Юстициянь министерствась анок ванды жа ушедомс макссемс питнефтома лезкс домкомпненди. Аньцек фкясь, мезе синь эняльдихть тиемс, максомс 10 шит, штоба лац-ряц ладямс тефнень и кенеремс пяшкотькшнемс синь. Мордовиянь Оцюнясь азозе, што тя пяк пара, и главнайсь, синь аф лоткафневольхть. Иван Капитонов мярьгсь, што собственникне вешихть, штоба тиемс ассоциация. Эряви ли сон, няфтьсы сяда тов фкя-фкянь мялень азомась.
Эсь ширденза Минэнергонь и ЖКХ-нь оцюнясь азсь эрь кодама мяльхть коммунальнай лезксонь макссемать цебярьгофтомаса. Васендакиге, ваномс ресурснень ванфтомаснон мельге — эряви, штоба улель 100 счётчикт. Тяда башка, эряйхне муцяйхть пря кальдяв управляющайхнень эзда. Мордовиянь Оцюнясь тись итокт корхтамати и макссь эрявикс мярьгомат. Артём Здунов тяфта жа мярьгсь тиемс тонафнемат домкомпненди, сяда тов вишкоптемс корхтамать ассоциациять колга. Мордовиянь Оцюнясь азозе, што тиемс башка васедема, коса эряви кеподемс кизефкснень аф пандоматнень колга. Пуромксть аделавомста чиновникне ашесть эряскода тумс. Артём Здунов мярьгсь лядомс, домкомпне поладозь кизефксонь макссемать и азонкшнезь эсь мяльснон.