Арктикань Дельфийской II-це налксематне (эрзя)
Сыктывкарсо ютасть од ломанень Арктикань Дельфийской II-це налксематне. Россиянь 600 ламо пелькстыцят невтизь эсест ёрокчист кемень номинациясо: раськень ды эстрадань морамо, фотография, пидемань-панемань искусства, художественной ремёслат, раськень киштема, скрипка, фортепиано, раськень инструмент ды изобразительной искусства.
Коми Республикас молемась куватьс кадови пелькстыцятнень мельсэ. Арктикань Дельфийской налксематнень прявтпутовксозо – Арктикань зонань раськетнень шкинемаст, историянь тевкадовксост марто содавтома. Инжетне ульнесть Коми Республикань Раськень музейсэ, содавтовсть Раськень галереянь экспонаттнэнь марто.
Дельфийской налксематнень лувсо Коми Республикасо васенцеде нолдазель «Дельфик.ТВ 1» чинь перть важодиця сводной канал, кона невтинзе налксематнень виде эфирсэ ды сёрмадовкссо.