Ардатовань краеведениянь музейсэ панжовсь МР-нь заслуженной художникенть Степан Коротковонь «Святой образ» выставказо. (В Ардатовском краеведческом музее открылась выставка «Святой образ» заслуженного художника Мордовии Степана Короткова) ЭРЗЯ

Те выставочной проектэнь ушодыцякс кармась МР-нь культурань ды туризмань министерствась. Сонзэ вельде республикань эрьва эрицянть ули возможность эсь сельмсэ неемс неень шкань художниктнень  артовксост. Выставкасонть невтевить 14 роботат. Те тематикасо художникесь кармась артомо  20 иеть теде икеле, а сонзэ роботатне умок муизь эсест вечкицятнень. Эряви меремс, Степан Федорович сонськак пек Пазнэнь кемиця. Лиякс а кода-бути артат пазонь ликть. Артомсто, кода корты художникесь, сон теке седейсэ мари пазавань энергетиканть. Васенце экскурсиянть Ардатовань средней школань тонавтницятнень туртов ветизе сонсь художникесь. Паро мельсэ ёвтнесь эрьва картинадонть. Те выстакась теке «ливтьсы» пазаватнень церьковасто, совавтсы сынст музейной залтнэс. Истя художникесь бажи малавгавтомс ваныцянть духовной мирэнтень. Ковонь перть те мазычись карми невтевеме Ардатовань краеведениянь музейсэ. Седе тов арсеви сонзэ невтемс Рузаевкасо ды Краснослободскойсэ.