Анокстатано Инечинтень. (Готовимся к Пасхе) ЭРЗЯ

Инечиденть икеле ломантне кирдить пост. Ламотнень туртов те тевесь а топавтови, кинь лавшо шумбрачист, кинь стака важодемазо, пешксесэ автатненень а мерить врачтнэ. Церьковась неень шкане путы весе мелензэ, виензэ сень лангс, штобу содавтомс од ломантнень Пазонь валонть марто. Тень топавтомга сеедьстэ савкшны улемс эйкакшонь кужотнесэ, школатнесэ. Образованиянь министерстванть марто вейсэ кемекстазельть православиянь культурань уроктне. Бути кемень иеде теде икеле од ломанть церьковасо вастневсь пек чуросто, то ней тевесь ашти лиякс. Меельце шкасто парсте кармасть важодеме недлячинь школатне. Тетятне-аватне чарькодизь, кодат эрявикст православиянь уроктне школасо ды приходтнэнь юрсо пурназь недлячинь школатне. Сех покш постонть снартнить кирдемс ламотне, ансяк аволь весенень те тевесь топавтови. Пазонь валсо сермадозь – «тейть весемень виень коряс», «содык эсь онксот». Неть валтнэнь смустест парсте панжи Ардатовань ды Атяшевань Вениамин епископось.  Велетнева эрзятнень койтне  те шкас ванстовсть кеместэ. Саемга,  Инечистэ калмолангов кандыть ламо ярсамопельть, симемапельть. Кода карминек содамо – тень а мереви теемс. Кандомс эряви зняро, зяро сэвеви ды явшеви. Седе ламо а эряви. Ды свал эряви кирдемс мельсэ – литургиянь шкасто эряви улемс церьковасо!